Образование
14.10.2026
Психикалық денсаулық — ұлттың әл-ауқаты
«Психикалық денсаулық — ұлттың әл-ауқаты» онкүндігі аясында «Жағдайларға қарамастан мықты бол: ресурстар, тірек, алға ұмтылыс» жалпы тақырыбы бойынша мектептің педагог-психологтары Есимова Б.К. Шакеева Д.М. оқушылардың психологиялық әл-ауқатын нығайтуға, өзін-өзі реттеу дағдыларын дамытуға және өзінің эмоционалдық жағдайына саналы түрде қарауға бағытталған бірқатар іс-шаралар өткізді.
«Менің ішкі аккумуляторым» атты іс-шара барысында оқушылар «Мені не әлсіретеді?», «Мені не қуаттандырады?» атты жаттығуларды орындады. Жаттығулар барысында оқушылар өздерінің эмоционалдық және психологиялық ресурстарын төмендететін факторларды анықтап, сондай-ақ қолдау көрсететін, жағымды эмоциялар мен ішкі күш-қуат беретін ресурстарды анықтады.
Сонымен қатар «Тоқта. Үзіліс. Таңдау» атты іс-шара өткізілді. Іс-шара оқушылардың эмоционалдық өзін-өзі реттеу дағдыларын дамытуға, қиын жағдайда тоқтай білуге, өз жағдайын түсінуге және әрі қарайғы әрекеттерін саналы түрде таңдауға бағытталды.
Аталған іс-шара аясында оқушыларға «Күй жағдайының бағдаршамы» жаттығуы ұсынылды. Жаттығу арқылы оқушылар өздерінің эмоционалдық жағдайын тануға, қажет болған жағдайда тоқтауға, үзіліс жасауға, сабырға келуге және қолдау сұрауға үйренді.
Өткізілген іс-шаралар оқушылардың өзін-өзі қолдау, эмоционалдық саналы болу, күйзеліске төзімділік және қиын жағдайларды жеңу үшін ішкі және сыртқы ресурстарды пайдалану дағдыларын қалыптастыруға ықпал етті.
