Образование
15.09.2025
«Темір жол – қауіпті аймақ»
2025 жылдың 15 қыркүйек күні «№2 Новоишим орта мектебі» КММ-де оқушылардың қауіпсіздігін қамтамасыз ету, құқықтық сауаттылығын арттыру және темір жолдағы тәртіп ережелерін сақтау мақсатында профилактикалық әңгімелесу жұмысы ұйымдастырылды.
ЖШС «ӘТЖК» Ақмола филиалының Жаңаесіл стансасындағы атқыштар командасының бастығының орынбасары Молдагаипов Б.А. және КПК Жаңаесіл станциясының басшысы полиция подполковнигі Шакубасов Б.К., ТБ-7 бас инженері Станкунов Ф.А, ЕҚ және ҚТ жетекші инженері Жусупова К.С, ТБ бас инженері Кунцевич А.А., жол жетекшісінің инженері
Савинова О.П, ЖШ-13 бас инженері
Кремер А А. 5–6-сынып оқушыларымен кездесу өткізіп, «Темір жол – қауіпті аймақ», «Кәмелетке толмағандарға қатысты әкімшілік заңнаманы түсіндіру» тақырыптарында дәріс оқыды.
Әңгімелесу барысында темір жол аймағында өзін-өзі қауіпсіз ұстау ережелері, құқық бұзушылықтың алдын- алу жолдары, сонымен қатар, кәмелетке толмағандардың құқықтары мен міндеттері жөнінде жан-жақты түсіндірме берілді. Оқушыларға нақты мысалдар келтіріліп, сұрақ-жауап форматында пікір алмасу жүргізілді.
Кездесу соңында мамандар оқушыларды тәртіпке, қауіпсіздік ережелерін қатаң сақтауға, заңға бағынуға шақырып, бұл білімнің күнделікті өмірде маңызды екендігін атап өтті.
